CCTV.com Монгол > Мэдээ > онцлох

Эрт үеийн зүрх судасны өвчний шалтгааныг олжээ

12-19-2019 14:48

 Олон улсын эрүүл мэндийн судалгааны баг, чихрийн шижин өвчтэй эмэгтэйчүүдийн хүүхдүүд эрт үеийн зүрх судасны өвчлөлд илүү их нэрвэгдэж байгааг тогтоосон байна.
Сүүлийн жилүүдэд бага насны хүүхдүүд болон залуусын дунд зүрх судасны өвчлөл нэмэгдэх хандлагатай болжээ. Энэ нь эхийн эрүүл мэндийн байдалтай холбоотой гэж судлаачид үзэж байна. Ялангуяа жирэмсний үед чихрийн шижин өвчнөөр өвчилсөн эмэгтэйчүүдийн хүүхдүүд таргалалт, цусны даралт зэрэг архаг өвчнөөр өвчлөх эрсдэл өндөр байдаг аж.
Хятад, Дани, Швед, АНУ-ын судлаачид 1977 оноос 2016 он хүртэл Дани улсад төрсөн 2.4 сая гаруй хүүхдийн эрүүл мэндийн байдалд дүн шинжилгээ хийж, эрт үеийн зүрх судасны өвчин, эхийн чихрийн шижинтэй уялдаа холбоотой эсэхийг судалжээ.
Британийн Анагаах ухааны сэтгүүлд нийтлэгдсэн судалгаанд, эхчүүд жирэмсэн болохоос өмнө эсвэл жирэмсний үедээ чихрийн шижин өвчнөөр өвчилсөн бол хүүхдүүд нь бага, залуу насандаа зүрх судасны өвчнөөр өвчлөх магадлал 29 хувиар өссөн талаар дурджээ. Мөн жирэмсний үед зүрх судасны өвчин болон чихрийн шижин өвчин хавсарсан бол хүүхдүүдийнх нь өвчлөх магадлал 60-73 хувь болж нэмэгдсэн байна. 
Тиймээс төрөх насны эмэгтэйчүүд эрүүл мэнддээ онцгой анхаарахыг олон улсын судалгааны багийн гишүүд онцгойлон санууллаа.

Найруулагч:С.Бүрэнбаяр | Эх сурвалж:
CCTV.com
Шинэ мэдээ

Хамтрагч байгууллага

Бусад хэлээр