БНХАУ байгуулагдсаны ойн баярын өдрүүд бол аялал жуулчлал, үзвэр үйлчилгээний салбарынхны хувьд “Алтан долоо хоног” билээ. Энэ жилийн баярын амралтаар тус улсын кинотеатруудын нийт орлого 4.5 тэрбум юаньд хүрсэн байна. Хятадын “Өдрийн сонин”-ы мэдээлж буйгаар, аравдугаар сарын 1-7-ны өдрүүдэд ийм хэмжээний ашиг олсон нь өнгөрсөн оны мөн үеийнхтэй харьцуулахад эрс нэмэгдсэн үзүүлэлт юм. Өнгөрсөн жилийн баярын амралтаар кино үзвэрийн салбарын ашиг 1.9 тэрбум орчим юаниар хэмжигдэж байсан юм.
Аравдугаар сарын 1-нээс 6-ны өдрүүдэд нийт 100 сая хүн кинотеатраар үйлчлүүлсэн нь бас нэгэн дээд амжилт ажээ. Үзэгчдийн хамгийн их сонгосон бүтээлүүдээр “Би, миний эх орон”, “Хятад онгоцны ахмад”, “Уулчид” зэрэг эх орны сэдэвт кинонууд шалгарч байна. Дээр дурдсан гурван киноноос олсон нийт орлого аравдугаар сарын 7-ны байдлаар 3.5 тэрбум юаньд хүрчээ.
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
