БНХАУ-ын нийслэл Бээжин хотод хоёр сарын хугацаатай үргэлжлэх хятад дуурийн “улирал” нээлтээ хийж байна. Энэ хугацаанд тус улсын өнцөг булан бүрээс дуурийн театр, энэ төрлөөр уран бүтээл туурвидаг баг, хүмүүс ирж нийслэлд тоглолтоо хийх юм.
Хятадын биет бус соёлын өвийн томоохон хэсэг болох хэбэй, цинь, чаожао зэрэг төрлийн дуурийг үзэгчид, урлаг сонирхогчдод толилуулах энэ арга хэмжээг Хятадын Коммунист намын төв хорооны Суртал ухуулгын хэлтэс Соёл, аялал жуулчлалын яамтай хамтран зохион байгуулж байгааг “Синьхуа” уламжиллаа.
Хятад дуурийг сурталчлан түгээх аяны хүрээнд тасалбарыг ердийнхөөс илүү хямдруулж, олон хүнд хүргэх бодлого баримтлахаа зохион байгуулагчид мэдэгдэж байна. Үүний зэрэгцээ уран бүтээлч, урлаг судлаачдад зориулсан олон төрлийн арга хэмжээ, сургалт, хэлэлцүүлэг болно.
Дашрамд өгүүлэхэд, манай эриний III зуунаас эхтэй хятад дуурийн урлагийг үндсэн таван төрөлд хуваан үздэг ч бүс нутаг, тухайн мужийн ард түмний соёлын онцлогийг өөртөө шингээсэн 360 гаруй төрөл бий гэж үздэг.
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
