Юньнань мужийн Лижянь хот. Энэ хотыг олон хүн хайрын хот хэмээн ярьдаг. Яах аргагүй тийм. Энд хайр сэтгэлтэй холбоотой олон дурсгалт газар бас түүх бий. Бас энэ хотын эрүүл сайхан агаар, мододоос нь анхилах тансаг үнэр, үзэсгэлэнт байгаль яах аргагүй залуу хосын сэтгэлийг татдаг. Эрдэнийн чулуун гүүрээр нь алхалж, цаст уулын бэлд орших тохилог буудалд буудаллаж, илчээ гэрлээ харам үгүй хайрлах их үдийн наран дор зугаалах залуу хосыг жилийн аль ч улиралд энд харж болно. Мөн нутгийн уугуул Наши үндэстний уянгалаг эртний хөгжим нь Лижянь хотыг хайрын хот хэмээхэд нь улам хүч өгсөн гэлтэй. Хайрын хотын үзэсгэлэнт үдэш. Яг энэ үеэр дурлалт хосууд хотын дундуур урсах голоор хүслээ шивнэсэн лаа хөвүүлдэг аж. Олон олон дурлалт залуусын хуримын бал сараа өнгөрүүлэх дуртай энэ хотод та зочилохыг хүсвэл Юаньнан мужийн төв Күньмингээс 45 минут онгоцоор нисэхэд л болно. Мөн Бээжин, Шанхай хотуудаас шууд нислэгтэй аж. Харин галт тэргээр бол Күньмингээс 8 цаг орчим зарцуулаад Хайрын хотод очино. Түүнчлэн зам сайтай тул Күньмингээс автобусанд суухад 9 цаг орчим давхиад л Лижянь хотод хүрнэ.
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
